Kryesore

Rama-Lelës: Policia nuk të ka dhunuar. Gazetari i tregon live shenjat e dhunës





Bëni LIKE faqen zyrtare në Facebook
               Publikuar në : 21:25 - 21/05/20 |
mapo.al

Edi Rama kishte sonte përballë analistin Alfred Lela ndaj të cilit u ushtruar forcë nga policia, ditën e dielë, në protestën për shembjen e Teatrit Kombëtar, dhe mohoi që ndaj tij të jetë ushtruar dhunë.


Rama tha se gazetarit Lela nuk i takonte të bënte gjestin që bëri, duke kapur nga krahët 3 police gra. Dhe sipas kryeministrit, policia më tej, ka vepruar sipas procedurës dhe ligjit.


Rama tha se policia nuk njeh qytetarë të veçantë, në një protestë, por vetëm drejtuesit dhe organizatorët.


Po ashtu, Kryeministri, u shpreh se gazetarit Lela, nuk i takonte të kalonte gardhin.


Alfred Lela, u përgjigj duke thënë se Rama gënjen, dhe se kjo është hera e tretë që ai e dhunon atë.

Gazetari i tregoi Ramës live, shenjat e dhunës në trupin e tij, një skenë që solli përplasje të fortë mes tyre.

Lela i tha Ramës, që ka marrë goditje dhe është dhunuar edhe pasi ka qënë shtrirë në trotuar.

Kjo përballje kishte shumë tension, dhe kryeministri e gazetari ngritën tonet e shkëmbyen edhe epitete dhe fyerje mes tyre.

Gazetari Rakipllari u shpreh se të gjithë e kanë parë dhunën, vetëm kryeministri jo.

Agron Gjekmarkaj, tha se sjellja e policisë të Dielën ishte e shëmtuar dhe këtë e bën vetëm një kryeministër që kërkon të frikësojë qytetarët një vit para zgjedhjeve.

Gjekmarkaj shtoi se Rama duhej të kërkonte falje, duke e mos e bërë, tregon se ai është pikërisht frymëzuesi i asaj dhune. Analisti e paralajmëroi Ramën se do ketë një fund diktatorësh.


Etiketa: ,

CLOSE
CLOSE
Pas