2020 do të mbahet mend gjatë si viti që izoloi mbarë botën për shkak të Covid-19, por edhe për përdorimin masiv të platformave online, si rrugë të vetme komunikimi, në pamundësi të kontaktit fizik.
Kryeministri Edi Rama është i pari në Shqipëri për numrin e postimeve në Facebook, dhe i katërti politikan më i ndjekur në Europë përgjatë vitit që lamë pas, me 1.3 milionë ndjekës.
Studimi më i fundit të të dhënave të popullaritetit dhe interaktivitetit në Facebook nga “Terradata”, tregon se kreu i qeverisë ka lënë pas liderë vendesh të fuqishme si kryeministrin austriak Sebastian Kurtz, kryeministren norvegjeze Erna Solberg, apo dhe liderët e vendeve fqinje si kryeministrin grek Kyriakos Mitsotakis, si dhe atë të Maqedonisë së Veriut Zoran Zaev.
Por përse vjen ky triumf nga ana e kryeministrit të vendit më të varfër në Europë? Sepse Edi Rama shpenzon gjithë ditën “live” dhe është i vetmi në kontinent që ka ndërtuar një televizion të vetin, ngjizur nga një strategji e mirëstudiuar për t’iu bashkangjitur rrjeteve të tij sociale.
Dy vite më parë, gazeta Mapo ka sjellë një hulumtim të bazuar në krahasimin me homologët në rajon, që fatkeqësisht gjen terren edhe sot, më intensivisht se kurrë, 4 muaj larg zgjedhjeve.
LEXO EDHE:
Hulumtim i MAPO: Rama ‘qeveris’ nga dritarja e propagandës virtuale
