Kryeministri Edi Rama, i shoqëruar nga familja, bashkëshortja Linda Rama dhe djali i vogël, Zaho, ishte i pranishëm në ceremoninë e inaugurimit të stadiumit të ri “Air Albania Stadium”.
Në fjalën e tij gjatë ceremonisë, kryeministri Rama tha se kjo ditë do të mbetet në histori për sportin shqiptar.
“Një ditë që mbetet në histori për sportin shqiptar. E kam pritur këtë moment prej shumë e shumë vitesh, e kam ëndërruar gjatë që shqiptarët nuk do të hynin më në një nevojtore futbolli për të mbështetur kombëtaren”, u shpreh ai.