Kryesore

Rama kundër BE: Mirëpresim opinionin e Venecias, por për zgjedhjet e tjera








Bëni LIKE faqen zyrtare në Facebook
               Publikuar në : 13:48 - 27/10/20 |
mapo.al

Kryeministri Edi Rama nuk tërhiqet nga rrëzimi i dekretit të Ilir Metës për ndryshimet në Kodin Zgjedhor, pavarësisht nga thirrjet e Brukselit dhe të komisionerit të BE për Zgjerimin Oliver Varhelyi.


Kreu i qeverisë shprehet se Kuvendi nuk do të humbë asnjë sekondë, duke paralajmëruar se në seancën e të enjtes, mazhoranca do të rivotojë pa ndryshime ligjin elektoral. Sa i takon opinionit të Komisionit të Venecias, Rama tha se e mirëpret, por për zgjedhjet e tjera. Kryeministri thotë se ia ka shprehur edhe komisionerit të BE se Kuvendi do të rivotojë Kodin pa humbur kohë.


“E kam sqaruar edhe komisionerin në një bisedë që kemi pasur pa dorashka, që Parlamenti nuk do të presë asnjë sekondë, për arsye se kemi zgjedhjet në 25 prill. Nuk ka asnjë mundësi të hyjmë në një spiralen e një aventure ku na fton Ilir Meta i cili nuk ka për qëllim të përmirësojë Kodin Zgjedhor, por të stabotojë nga pozicioni i tij ekstremist anti-shumicë dhe anti-parlament këtë proces. Venecia është e mirëpritur të sjellë kur të pjekë opinionin e vet, ai opinion do të diskutohet me të gjitha forcat politike dhe natyrisht duke pasur parasysh kohën që kemi në dispozicon, do të mbetet për të adresuar çfarëdolloj çështje përtej 25 prillit. Nuk kemi kohë për të humbur”, u shpreh Rama.

Lexo edhe :  Pandemia/ Meta bashkëbisedim online me mjekët: Duhet "vijë zjarri" në të gjithë vendin (VIDEO)


Insistimin e shumicës parlamentare për të rrëzuar dekretin, Rama e lidh me pamjaftueshmërinë kohore që kërkon KQZ për të organizuar zgjedhjet parlamentare të 25 prillit. Kreu i qeverisë nuk kurseu akuzat dhe ironitë në adresë të presidentit Ilir Meta por edhe të opozitës.


“Nuk mund të hyjmë në asnjë aventurë, sepse strukturat e reja të administrimit zgjedhor kanë nisur punën, kanë nevojë të kenë të shkruar të zezën mbi të bardhë ligjin zgjedhor dhe implementimi i ligjit zgjedhor kohën e vet. Është marrë një angazhim për identifikimin biometrik. Ne nuk kemi asnjë arsye që të mos e refuzojmë në sekondën e parë që kalon afati i procedurës Ilir Metën me të gjithë përpjekje të indentifikuar si përpjekja e një lideri alternativ të një opozite të copëtuar dhe lideri absolut i një partie të degraduar”, tha ai.


Këto deklarata kryeministri Edi Rama i bëri nga aeroporti i Rinasit, pas kthimit nga Siria të 4 fëmijëve shqiptarë dhe një gruaje që mbaheshin në kampin Al-Hol.

LEXO EDHE: 

Varhelyi thirrje Ramës: Mos e votoni Kodin Zgjedhor pa u shprehur Venecia


Etiketa: , , ,

CLOSE
CLOSE
Pas