Kryeministri Edi Rama mëshoi nga Kolonja se fatkeqësitë si tërmeti dhe pandemia duhet t’i kishte bërë bashkë të gjithë palët e politikës por, sipas tij, kundërshtarëve s’u intereson veçse të bëjnë politikë.
“Bie një përmbytje bëhen me përmbytjen, bie tërmet bëhen me tërmetin, bie virusi bëhen virusin”, – tha Rama.
I bindur tek fitorja e një mandati të tretë, Rama u kërkoi banorëve të zonës ta shikojnë të drejtën e zgjedhjes si një të drejtë në funksion të interesit personal dhe mos të votojnë si tifozë pa menduar për vlerën që ka vota e tyre për të ardhmen e familjes së gjithsecilit.
“Fleta e votimit nuk është një biletë për stadium, në të vërtetë si kemi bërë të gjitha çfarë kemi premtuar por ka pasur një arsye dhe do i përmbahemi asaj që kemi premtuar. Për menderen e Lulit do votoni apo për familjen tuaj”, – u shpreh Rama.
Për të treguar diferencën mes asaj që ofrojnë socialistët dhe asaj që ofron opozita, Rama rreshtoi disa nga premtimet e demokratëve që thotë se fyejnë inteligjencën e atyre që i dëgjojnë.
“Edmond Spaho thotë do mbyllim doganat të shitet prodhimi vendas, ai tjetri thotë do heq traun, firmosin marrëveshje në rrugë që s’kanë asnjë vlerë…”
