Kryeministri Edi Rama ka publikuar rrëfimin e futbollistit të njohur, Lorik Cana, lidhur me vaksinimin kundër Covid-19.
Lorik Cana shprehet se vaksina është mjeti më i mirë për të përballuar koronavirusin.
Në një mesazh ndërgjegjësues, Cana bën apel që qytetarët të mos e neglizhojnë, por të vaksinohen për të mbrojtur shëndetin e tyre, të familjarëve dhe të gjithë shoqërisë.
“Kam qenë menjëherë i sigurt se vaksina është mënyra më e mirë për t’u mbrojtur. E kam bërë vaksinën edhe për të mbrojtur fëmijët e mi, prindërit e mi dhe të gjithë shoqërinë tonë”, thotë më tej Cana.
