Kryeministri Edi Rama ka reaguar ditën e sotme për ndeshjen Roma- Feyenoord, që u luajt në “Air Albania” dhe që dërgoi në Itali trofeun e Conference League.
Teksa ka shpërndarë një foto të futbollistit Marash Kumbulla, që feston fitoren me flamurin shqiptar, dhe një foto të trajnerit Hoze Murinjo, që puth trofeun e kompeticionit, kryeminsitri falenderon ata që i dhanë jetë eurombrëmjes së djeshme.
“…me falenderimin e përzemërt për të gjithë ata që i dhanë jetë eurombrëmjes së djeshme të Shqipërisë, si edhe me krenarinë për përshtypjet fantastike që Shqipëria la në sytë e mbarë Europës, ju uroj një ditë të mbarë”, shkruan Rama në Facebook.
