Kryeministri Edi Rama deklaroi se vendi është në kushte emergjence jo për shkak të krizës, por për shkak të vendimit të Bundestagut, ku kërkohet Reforma Zgjedhore për tu ulur në tryezë me BE-në.
I ftuar në emisionin “Real Story” në “Neës24” kreu i qeverisë tha se reformat zgjedhore në Shqipëri janë bërë mbi bazën e sigurimi të 84 votave.
“Reforma zgjedhore në Shqipëri është bërë mbi bazën e votës, pra për të siguruar 84 vota. Pa ato vota s’ka qenë e mundur. Jemi në kushte të emergjencës, jo për shkak të krizës por për shkak të vendimit të Bundestagut, ku kërkohet Reforma Zgjedhore për t’u ulur në tryezë me BE-në. Nuk mund ti themi BE-së prisni sa të gjejmë konsensus. -tha Rama.
Ndërkohë, pyetjes së gazetarit nëse në vend ka krizë politike, Rama iu përgjigj se: “Ju këtë mendoni se nuk jetoni dot pa krizën në vend. Se i bie që nuk keni punë. Skam parë kërkesë të tillë. Kam parë që ka një kërkesë për të kaluar reformën zgjedhore në parlament me rekomandimet e OSBE/ODHIR. Ata nuk duan depolitizimin e komisioneve. Komisionet nuk do të jenë përfaqësues të partive”.
Kujtojmë se maxhoranca i ka bërë thirrje opozitës që t’i bashkohet tryezës për reformën zgjedhore, për të vijuar kështu plotësimin e një nga kushteve të vendosura nga BE për çeljen e negociatave.