Pas akuzave në adresë të kryetarit të PD, Lulzim Basha lidhur me mitingjet elektorale, kryeministri Edi Rama ka sulmuar edhe presidentin Ilir Meta, duke hedhur edhe ironi në adresë të tij.
Nga Rrogozhina, Rama tha se Meta sa herë del në TV flet me vete, dhe pa e pyetur kush, ndërsa një në tre fjalë i ka burg.
Ai nuk ka kursyer as PD, dhe me rastin e 12-vjetorit të anëtarësimit në NATO ka deklaruar se Shqipërinë në të nuk e futi qeveria e PD, por SHBA-të.
“Ju ka ngel goja ju futëm në NATO, na futi Amerika jo këta. Në fund fare mos harroni, këto zgjedhje vendosin përfundimisht fatin e Drejtësisë. E kemi ngritur me shumë mundim bazën, ka filluar të çelë me shumë vështirësi embrioni. Meta flet me vete sa herë del në TV, e pa i thënë kush, një në tre fjalë e ka burg, burgu, burgu. ça i rreh mendja, e di vet. Berisha, Meta e Kryemadhi janë armiq të Drejtësisë së Re. S’mund të prodhojë toka kur punon një ditë, por duhet përditë, që fara të bëhet fidan, fidani pemë, pema të prodhojë e prodhimin ta marrësh.
Drejtësia, mbrojtja e saj është 25 prilli. Vazhdimi e përfundimi me luftën ndaj armikut të padukshëm është 25 prilli. Rindërtimi është 25 prilli. Rritja e eksporteve, është 25 prilli. Përrallat me mbret, do japim 1 mijë euro këtu, 500 euro këtu, 3 mijë euro andej, duhet t’ju kujtojnë Suden, Vehbiun, Xhaferrin. Nuk ka sot, s’ka pasur kurrë qofte ke daja. Sikush të ketë strehën e vet, të mbrohet, të vazhdojë punën e tij. është ndarje e prerë mes dy botëve, bota e vaksinimit dhe rindërtimit, punës, besimit e durimit dhe qokave, rrenave dhe bota e kalova lumin, mbaje vetë kalin”- tha Rama.
Për Ramën, fushata e opozitës karakterizohet nga bërtitjet, sharjet, mallkimet ndërsa kërkon nga shqiptarët që më 25 prill të votojnë PS për të vijuar punët, vaksinimin e rindërtimin, ose ato do të ndalen nga qeveria e PD.
“Nuk kanë idenë çfarë do të thotë të drejtosh një vend, e t’i ulesh në gjunjë të tjerëve që kemi nevojë. Nuk dinë se si bëhen as miqësitë, e partneritetet, po vetëm dëngla Europa, Europa. Gjithçka bëjnë është kundër Europës. Nuk e duam Shqipërinë ta çojmë në Europë, po Europën ta sjellim këtu. Do ulim sigurimet shoqërore, do ulim pensionet. Nuk duhet të biem në kurth. Kanë çuar në Vlorë, atje në Vlorë, kanë çuar, në vend të shkojnë tu dërgojnë votrën, shkruajnë kallëzime për gfjithë punët publike. Duan të ndalojnë gjithë punët, Rindërtimin, vaksinimin. Se nuk është se ne nuk i njohim. Nuk e njihni Mediun? Fatmir Mediun, Dash Shehin nuk e njihni ju që edhe në televizor kur e sheh të zë rakia, e të duken ato sustat e telekomandës si ulli.
Mesilën e njihni, ajo që do varte protestuesit tek palma, Dulen e njihni, po Nardin, se atë sigurisht që e njihni. Kur thonë jo shiko se, ça të shikoj, vetëm bërtet, shan, vetëm mallkojnë. Dhe për çfarë? E pra është koha për të qëndruar shumë drejt, do vazhdojmë përpara, të kryejmë punët, t’i çojmë para përpjekjet apo të shkojmë në gropë. Më thonë njëherë që morën detyrën dhe nuk e lanë më keq se çfarë e gjetën”, vijoi më tej kryeministri.
LEXO EDHE:
Me fermerët në Rrogozhinë – Rama sërish sulme Bashës për takimet elektorale