Kjo e mërkurë e 12 qershorit ka qenë ditë feste në dy selitë partiake rivale, PS dhe PD. Nga kampi blu, sot kryedemokrati Lulzim Basha feston ditëlindjen dhe mbush plot 45 vjeç. Për liderin e opozitës nuk ka munguar një urim edhe nga kundërshtari i tij politik. Nga Lushnja, Rama u shpreh se i uron shëndet, por jo fitore.
“Sot është ditëlindja e PS-së…është edhe ditëlindja e Lulzim Bashës, kështu që i uroj shëndet, por jo fitore. Megjithëse kam përshtypjen se edhe sikur ta linin të hynte vetëm në zgjedhje prapë nuk fiton dot”, tha Rama.
