Pas Gjermanisë, Kryeministri Edi Rama do të zhvillojë një vizitë dyditore në Turqi dhe Azerbajxhan më 14 dhe 15 prill 2022.
Fillimisht kryeministri Rama do të zhvillojë një takim kokë më kokë me Presidentin e Republikës së Azerbajxhanit, Ilham Aliyev.
Lufta në Ukrainë, si dhe ndikimi në ekonomi mendohet se do jetë një nga temat e diskutimit.
Azerbajxhani, dikur pjesë e Bashkimit Sovjetik është një nga vendet prodhues të gazit dhe siç është deklaruar më parë planifikon të rrisë eksportin e gazit me 11 përqind këtë vit.
Më pas kreu i qeverisë shqiptare do te kete takim bilateral me Sahiba Gafarova, Kryetar i Kuvendit të Republikës së Azerbajxhanit dhe më pas me kryeministrin, Ali Asadov.
Pas vizitës në Azerbajxhan Rama do të fluturojë drejt Turqisë. Në axhendë nuk parashikohet një takim me Presidentin Erdogan.
AXHENDA
E enjte, 14 prill
07.00 – Fluturim i posaçëm drejt aeroportit ndërkombëtar “Heydar Aliyev”
13.40 – Takim tete-a-tete me z. Ilham Aliyev, President i Republikës së Azerbajxhanit
6.00 – Vizitë në memorialin e varrezave të dëshmorëve
16.30 – Takim bilateral me znj. Sahiba Gafarova, Kryetar i Kuvendit të Republikës së
Azerbajxhanit
18.00 – Takim bilateral me z. Ali Asadov, Kryeministër i Republikës së Azerbajxhanit
E premte, 15 prill
11.00 – Fluturim i posaçëm drejt aeroportit të Stambollit
13.30 – Takim me përfaqësues të kompanisë “Tubitak”
