Një ditë pas publikimit të raportit përfundimtar nga OSBE/ODIHR, për zgjedhjet e 25 prillit, ambasada britanike bën thirrje të hetohen rastet e shit-blerjes së votave si dhe nxjerrja e të dhënave personale të qytetarëve.
Gjithashtu, ambasada britanike rekomandim një rishikim gjithëpërfshirës dhe në kohë të plotë të kuadrit ligjor përpara zgjedhjeve të ardhshme.
Postimi
OSBE/ODIHR publikoi raportin përfundimtar mbi zgjedhjet e 25 prillit në Shqipëri, duke rekomanduar një rishikim gjithëpërfshirës dhe në kohë të kuadrit ligjor përpara zgjedhjeve të ardhshme. Ne inkurajojmë të gjitha palët të zbatojnë plotësisht rekomandimet e Misionit të ODIHR-it për vëzhgimin e zgjedhjeve dhe theksojmë nevojën për të hetuar rastet e shit-blerjes së votës apo shkeljen e të dhënave personale, për të garantuar të drejtën për të votuar në mënyrë të lirë dhe të fshehtë.
