Kreu i Partisë Demokratike, Lulzim Basha, ka reaguar përmes një statusi në rrjete sociale në lidhje me raportin e OSBE/ODIHR për zgjedhjet e 25 prillit.
Kryedemokrati Basha ka publikuar dhe një video në rrjet, ndërsa thotë se autorët e masakrës zgjedhore duhet të ndëshkohen. Sipas tij, shqiptarët meritojnë zgjedhje të lira dhe të ndershme.
Më tej, Basha thekson se pa u ndëshkuar autorët e kësaj masakre zgjedhore, pa u kthyer legjitimiteti në vend, nuk do të kemi një pushtet të njerëzve për njerëzit, por sundimin e një pakice të korruptuar që varfëron dhe shpopullon Shqipërinë.
Statusi i Bashës
25 prilli ishte një masakër zgjedhore! Këtë e dinë të gjithë shqiptarët, këtë e konfirmon edhe OSBE/ODIHR. Partia Demokratike ka depozituar 185 padi penale në SPAK dhe në prokuroritë e rretheve për krimet zgjedhore. Ne presim drejtësi, sepse shqiptarët meritojnë zgjedhje të lira dhe të ndershme. Pa u ndëshkuar autorët e kësaj masakre, pa u kthyer legjitimiteti në vend, nuk do të kemi një pushtet të njerëzve për njerëzit, por sundimin e një pakice të korruptuar që varfëron dhe shpopullon Shqipërinë.
