Kryedemokrati Lulzim Basha ka komentuar raportin e fundit të organizatës “Transparency International”, i cili konstatonte se Shqipëria ka hasur regresin, duke u ulur me një pikë në renditje.
Në një postim në rrjetin “Twitter”, Basha shkruan se ky raport konfirmon se “përhapja e korrupsionit në çdo nivel të qeverisë Rama po e mban Shqipërinë në vendnumëro”.
“Raporti i fundit i “Transparency International” konfirmon se armiku i mirëqenies së shqiptarëve është korrupsioni. Përhapja e tij në çdo nivel të qeverisë Rama po e mban Shqipërinë në vendnumëro. Lufta kundër korrupsionit është sot interesi ynë kombëtar, për të çliruar vendin dhe institucionet e tij nga të korruptuarit. Ndonëse një grusht i vogël njerëzish po mundohen ta mbajnë peng të ardhmen, ajo tashmë ju përket shqiptarëve”, shkruan Basha.
