Aktualitet

Raporti i Vjenës, Meta: Shpopullimi rrezikon të kthehet në fatkeqësi kombëtare














Bëni LIKE faqen zyrtare në Facebook
               Publikuar në : 08:56 - 30/04/21 |
mapo.al

Presidenti i Republikës Ilir Meta këtë të premte ka reaguar në lidhje me raportin e Institutit për Studime Ekonomike Ndërkombëtare të Vjenës, ku theksohet se nga viti 2010 deri në vitin 2019 janë larguar nga Shqipëria rreth 500 mijë qytetarë





Meta përmes një postimi në rrjetin social Facebook thekson se duhet reflektim dhe zgjidhje urgjente ndaj këtij fenomeni, të cilin e quan drama më e madhe e vendit në dekadën e fundit.


Ndër të tjera kreu i shtetit thekson se me këto ritme Shqipëria rrezikon të kthehet në një fatkeqësi kombëtare.





“Ndalimi i shpopullimit të Shqipërisë, dramës më të madhe që i ka ndodhur vendit dekadën e fundit, është sfida më e madhe, që kërkon reflektim urgjent dhe zgjidhje konkrete.



Sipas Institutit për Studime Ekonomike Ndërkombëtare të Vjenës, nga viti 2010 deri në vitin 2019 janë larguar nga Shqipëria rreth 500 mijë qytetarë, disa herë më shumë në krahasim me Serbinë, Malin e Zi, Bosnjë-Hercegovinën, Maqedoninë e Veriut dhe Kosovën.


Me këto ritme dramatike zbrazja e Shqipërisë rrezikon të kthehet në një fatkeqësi kombëtare.

Adresimi i menjëhershëm i këtij fenomeni është emergjencë dhe çdo neglizhencë e mëtejshme do të kishte pasoja katastrofike”, shkruan Meta.

Lexo edhe :  SMS fyese në emër të Presidentit, Meta: Më hakoi një grup kriminal, do hetohet

LEXO EDHE: 

Ekspertët e Vjenës: 500 mijë shqiptarë emigruan gjatë viteve 2010-2019, arsyeja

4


Etiketa: , ,

CLOSE
CLOSE
Pas