Politika

Reagimi pas investigimit të VOA, Salianji: Hetimi i dosjes 339 çon në arrestimin e Ramës














Bëni LIKE faqen zyrtare në Facebook
               Publikuar në : 19:19 - 14/01/19 |
mapo.al

Pas përgjimeve të publikuara nga Zëri i Amerikës, lidhur me rasitin e ish-drejtorit të Përgjithshëm të Burgjeve Arben Çuko, ku thuhet se punësimet në burgje bëheshin me urdhra dhe ndërhyrje të zyrtarëve të PS-së, ka reaguar edhe PD.






Deputeti i PD, Ervin Salianji, në emër të PD, gjatë një deklarate për mediat, tha se Përgjimet e reja të dosjes 339, të publikuara nga Zëri i Amerikës, provojnë se Edi Rama ka ndërtuar një shtet fasadë me konkurse fasadë, me tendera fasadë me zgjedhje fasadë.


DEKLARATË E DEPUTETIT ERVIN SALIANJI, SEKRETAR I GRUPIT PARLAMNETAR TË PD







Publikimi nga Zeri i Amerikës i një pjese tjetër të Dosjes 339, fakton një skandal të pêrmasave shtetërore, ku Kryeministri ndêrhyn drejtpërdrejt për prishjen e konkurseve të administratës publike, ku kryeministri në mënyrë kriminale ndêrhyn nga zyrat e tij për të larguar më të aftët dhe për të punësuar militantët partiakë apo njerëzit e kriminalizuar!



Sot, një shtet serioz dhe një prokurori normale që e disponon prej muajsh këtë dosje do të kishte marrë të pandehur Edi Ramën për abuzim me detyrën dhe për ushtrim të ndikimit të paligjshëm. Sot shefja e tij e kabinetit, Vali Bizhga, deputete e Ramës, Blerina Gjylameti, Ulsi Manja dhe një sërë deputetësh dhe zyrtarësh duhet të ishin në burg!



Përgjimet ku ish drejtori të Përgjithshëm i Burgjeve zbulon se emërimet në administratë nuk bëhen me konkurs, por dalin nga zyra e kryeministrit dhe nga telefonatat me deputetët janë pjesë e dosjes 339.

Kjo është e njëjta dosje, ku Vangjush Dako bashkëpunon me krimin e organizuar për blerjen e votave për llogari të pushtetit të Edi Ramës në zgjedhjet e vitit 2017.

Tani nuk ka më asnjë dyshim se është Edi Rama ai që po bllokon hetimin e dosjes 339. Qëllimi i kryeministrit nuk është të mbrojë vetëm Vangjush Dakon, por të mbrojë veten e tij nga arrestimi i pashmangshëm, që do të vinte nga hetimi i pavarur i dosjes 339.

Zbulimi i plotë i dosjes 339 është thelbësor për të provuar se Edi Rama ka ngritur një shtet mafioz, ku gara në zgjedhje, gara për vendet e punës, gara për tenderat janë fasadë e një pushteti të korruptuar dhe të inkriminuar./panorama/

1


Etiketa: , , , ,

CLOSE
CLOSE
Pas