Aktualitet

Real Madrid me dy “fytyra”, galaktikët inagurojnë Bernabeun me manita














Bëni LIKE faqen zyrtare në Facebook
               Publikuar në : 23:07 - 12/09/21 |
mapo.al

Real Madridi ka arritur të fitojë ndaj Celta Vigos ndeshjen e vlefshme për javën e katërt të La Liga-s.






“Galaktikët” u rikthyen në Santiago Bernabeu pas gati 1 viti e gjysmë dhe zhgënjyen tifozët vetëm një pjesë loje.


Ndeshja do të niste më mirë për miqtë që do të zhbllokonin rezultatin që në minutën e 4 të takimit me Mina, duke detyruar Realin të “zgjohej”. Nuk vonon shumë dhe goli i barazimit vjen me të përhershmin Karim Benzema në minutën e 24.







Goli i parë në stadiumin e ri. Megjithatë kundërshtari nuk ishte dorëzuar dhe kishte akoma për të treguar në fushë. Cervi do të kalonte për herë të dytë në avantazh Celtan në minutën e 31.



Rezultati përfundimtar i 45 minutave të para do të ishte, 1-2.



Pjesa e dytë nis ndryshe. Reali e nis me “marsh” më të lartë dhe Benzema dërgon sërish topin në rrjetë vetëm pas një minuti lojë, duke kthyer gjithçka në barazpeshë.

Lexo edhe :  Dinamo kthehet në elitë me fitore, Kukësi nuk e diskuton Egnatian

Për të kaluar “Los Blancos” për herë të parë në avantazh mendoi lojtari më në formë i momentit, Vini JR në minutën e 54.

Nga ky moment Celta Vigo u “fik” dhe është momenti për golin e katërt i cili vjen nga ai që pak e mendonin se do ta shihni në fushë e jo më duke shënuar, Camavinga. Francezi do të dërgonte topin në rrjetë në minutën e 72’.

Kur sfida po i afrohej fundit dhe lojtarët shpenzuan thuajse të gjitha energjitë, erdhi momenti i “Vini show” i cili ndalohet vetëm me faull brenda zonës duke fituar penallti në minutën e 87 e cila kthehet në gol nga Karim Benzema që më pas do të merrte me vete topin në shtëpi.

1


Etiketa: , , , ,

CLOSE
CLOSE
Pas