Janë aq të pasur, sa e kanë blinduar edhe për këtë vit vendin e parë të milionerëve të futbollit. RealMadriddheBarcelonavazhdojnë të qëndrojnë në krye të listës së klubeve më të pasura në botë, me një diferencë të ndjeshme nga rivalët tyre nga Anglia, Gjermania, Italia dheFranca. Renditjes së hartuar nga “Deloitte Football Money League”, dy gjigantët spanjollë janë “kulakët” e vetëm në botë me të ardhura vjetore që kalojnë shifrën 450 milionë eurove. RealMadridkryeson për të shtatin vit radhazi, një vit më pak se Mançester Junajtid që dominoi për tetë vjet. Për Barcelonën, rritja e të ardhurave në krahasim me sezonin e kaluar është 13%, duke e kaluar për herë të parë shifrën 450 milionë eurove. Për klubin katalanas, fitimet në arkë janë shtuar ndjeshëm nga akordi me “Qatar Foundation”. Surpriza në renditjen e “Deloitte Football Money League” është Shalke, që me ngjitjen e 6 vendeve është futur në top 10-she, ndërsa Juventus ka mbetur jashtë. Pas Realit e Barcelonës, përkatësisht me nga 479.5 dhe 450.7 milionë euro të ardhura, renditen Mançester Junajtid 367 milionë, Bajern Myniih 321.4 milionë dhe Arsenali 251.1 milionë euro. Çelsi mban vendin e gjashtë me 250 mln euro. Milani renditet i shtati me 235.1 mln euro, menjëherë poshtë tyre vijnë ‘kushërinjtë’ zikaltër me 211.4 mln euro. Liverpuli është i nënti me 203.3, ndërsa Shalke e dhjeta, me 202.4 milionë euro.