Kryesore

Reforma Zgjedhore, ambasadorja e SHBA dhe ai i BE takojnë anëtarët e Këshillit Politik





Bëni LIKE faqen zyrtare në Facebook
               Publikuar në : 14:39 - 02/06/20 |
mapo.al

Vazhdojnë negociatat për Reformën Zgjedhore. Një ditë pas takimit me kryetarin e PD-së Lulzim Basha, ambasadorët e SHBA, BE dhe Britanisë së Madhe zhvilluan sot një takim me anëtarët e Këshillit Politik në tentativë për të gjetur një zgjidhje.


Takimi është zhvilluar mesditën e sotme në rezidencën e ambasadores së SHBA. Mësohet se ambasadorët kanë kërkuar nga përfaqësuesit e politikës të gjejnë dakordësinë për finalizimin me marrëveshje të Reformës Zgjedhore.


Palët mbeten ende të ndara te çështja e përbërjes së administratës zgjedhore. Pas takimit me ambasadorët, Këshilli Politik është më optimist për gjetjen e zgjidhjeve.


Opozita ka kërkuar mbledhje të Këshillit në orën 17:00.


Dështimi i afatit për ndryshimet në kodin zgjedhor ka lënë shije të hidhur te diplomatët e angazhuar për gjetjen e konsensusit mes PS dhe PD.

Ambasadorja amerikane ka kërkuar prej palëve që të mos shtojnë kushte të reja në tryeze, ndërsa britanikët kanë sjellë në vëmendje rënien e gongut.

Deri më tani bëhet e ditur se PS është e gatshme për të pranuar identifikimin biometrik në 5400 qendrat e votimit, por nuk jep konsesusin për administratën zgjedhore.

Ndërsa partitë politike do të kenë përfaqësues, por jo në rol vendimmarrës, por vetëm vëzhgues.

Socialistët nuk kanë pranuar që Gjykata Kushtetuese të jetë institucioni që shqyrton ankimimet e subjekteve zgjedhore.

Një tjetër çështje e hedhur në tryezë është kryekomisioneri, për të cilin opozita e bashkuar kërkon që të propozohet nga demokratët dhe të votohet në Parlament nga mazhoranca me shumicë të cilësuar.


Etiketa: , , ,

CLOSE
CLOSE
Pas