Shtohen të tjera krime në aktakuzën ndaj Thaçit, Veselit, Krasniqit dhe Selimit dhe pritet të rëndohen me akuza të reja nga Gjykata Speciale e Hagës.
Aktakuzës ndaj tyre pritet t’ju shtohen pretendimet mbi krime të kryera në fshatrat Semetishtë e Budakovë të Suharekës dhe në konviktin e Gjilanit.
Anekset e aktakuzës, sipas faqes zyrtare të Dhomave të Specializuara të Kosovës ,u dorëzuan nga Prokuroria e Specializuar e kryesuar nga Jack Smith.
Kjo, pasi gjyqtari i procedurës paraprake, më 23 dhjetor 2021 e aprovoi kërkesën për akuzat e reja, ndërsa u konfirmua edhe nga Gjykata e Apelit, pas ankesës së mbrojtjes.
Gjykatës do t’i duhet tani kohë shtesë për shqyrtimin e materialeve, pjesë të të cilave janë të redaktuara për publikun.
Dhomat e Specialzuara kanë caktuar katër seanca për këto anekse të reja të aktakuzës, ku të akuzuarit do të deklarohen për fajësinë, informon klankosova.
