Policia publikon videon e operacionit ku forcat RENEA kërkojnë në lumin Shkumbin për të gjetur thikën me të cilën është ekzekutuar Regis Runaj mbrëmjen e 29 korrikut në afërsi të varrezave të Elbasanit.
Sipas policisë viktima, 23 vjeçari është qëlluar plot 27 herë nga Euglen Halili me thikë duke gjetur vdekjen e menjëhershme.
Mësohet se polumbarët e RENEA-s e kanë gjetur thikën të mbështjellë me një qese plastike. Për krimin janë arrestuar Xhuljano Hoxha dhe Euglen Halili.
“Nga hetimet rezulton se këta shtetas, këto ngjarje i kanë kryer kundrejt pagesës nga persona të tjerë, për të cilët vijon puna intensive për dokumentimin me prova ligjore, kapjen dhe arrestimin e tyre. Autorët e dyshuar, të përshirë edhe në ngjarje të tjera kriminale të ndodhura në qytetin e Elbasanit” informoi sot zv/drejtori i policisë së qarkut Elbasan, Alket Shatro.
LEXO EDHE:
Krimi tronditës në Elbasan, Regis Runaj u godit 27 herë me thikë nga shoku i tij Euglen Halili
