Reperi i njohur Golden Ag, pritet të bëhet sërish baba dhe këtë gjë e ka ndarë dhe më publikun duke treguar kësaj rradhe dhe gjininë e fëmijës.
“Jemi në pritje të fëmijës së dytë i cili është prapë djalë. I dua edhe vajzat edhe djemtë. Në jetë kam pasur nevojë për vëllezër dhe më vjen mirë që djali im do bëhet me vëlla. Shpresoj të bëhen edhe me vëllezër dhe motra të tjerë.” – u shpreh ai.
Gjithashtu tha se lajmin e kishte marrë vesh para nuses së tij.
“Lajmin e mora pak para nuses. Ka pasur shenjat e shtatzënisë dhe kur shkuam në klinikë i kërkuam gjinekologes mos t’i tregojë edhe nëse është. Më vonë e kuptoi, por ishte si surprizë.”- tregoi ai.
Po ashtu reperi nuk ka lënë pa përmendur edhe emrin e fëmijë që do të vijë në jetë.
“E kemi menduar edhe emrin, do e zbulojmë në shtator kur të vijë në jetë. Është një emër që më ka pëlqyer dhe lidhet edhe me Guerilin.”- tha ai.