Ardhja e afganëve në Shqipëri ka sjellë shumë reagime veçanërisht në rrjetet sociale. Ka nga ata qytetarë që janë kundër një vendimi të tillë të marrë nga qeveria shqiptare, duke e shprehur këtë edhe në komente në faqen e kryeministrit Edi Rama.
Kjo i ka rënë në sy edhe vetë këtij të fundit i cili ka zgjedhur të replikojë me disa prej tyre që thonë se gjendja e vendit tonë nuk është në atë pikë sa të mendojë të strehojë të huaj.
Rama shprehet se gjendja është më e mirë se asnjëherë dhe do vazhdojë të bëhet më mirë. Rama u përgjigjet edhe atyre që thonë se shqiptarët kanë mbetur pa shtëpi pas tërmetit duke e lidhur këtë me strehimin e afganëve.
Ai thekson se nuk di të ketë fëmijë që ka mbetur pa shtëpi nga tërmeti duke u kujtuar atë që kanë kaluar shqiptarët 30 vite më parë.
REPLIKAT
Komentuesi 1: Eee ti mirë bën që i ndihmon por në fund edhe këta do ikin me vrap kështu siç po vete gjendja në vend.
Rama: Gjendja në vend s’ka qenë asnjëherë më e mirë se sot dhe do bëhet më e mirë vetëm me punë e me durim! Të përshëndes.
Komentuesi 2: Nuk jam kundra se ke marrë po më vjen keq për afganët se kanë ardhur me një vend të varfer ashtu siç ishin.
Rama: Mos ua qaj hallin as afganëve e as këtij vendi, se i varfëri i vërtetë është ai që barkun e ka plot, po kokën e ka bosh!
Komentuesi 3: Ça ështëky turp, fëmijët që ngelën pa shtëpi nga tërmeti ngelen rrugëve edhe këta mirë që i çuat në hotele po i bëni edhe dhurata ….
Rama: Cilët fëmije kanë mbetur pa shtëpi rrugeve nga termeti di të më tregosh ndonjë të vetëm që të kujdesemi menjeherë edhe për të? Dhe këta fëmijë qe ti u përmend dhuratat, jane fiks njësoj siç ishin ata që sot janë bërë burra kur zbritën nga anijet në Itali 30 vjet më parë!
Nëse disa e kanë harruar dhe u duket se kanë qenë gjithnjë kështu si janë sot, unë dhe shumica dërrmuese e shqiptarëve nuk e kemi harruar e nuk do ta harrojmë kurrë, sepse kush harron nga vjen nuk e di më fare se për ku është nisur thoshte një burrë i madh i kësaj bote!
