Kriza mes Cristiano Ronaldos dhe Maurizio Sarrit nuk ka ekzistuar kurrë. Të paktën këtë ka lënë të kuptohet tekniku italian, që në konferencë për shtyp ka sqaruar “konfliktet” mes tij dhe luzitanit.
Nga konferenca para sfidës së Champions League, ku Juventus sfidon Atleticon e Madridit, Sarri ka pohuar se marrëdhënia mes tyre është e mirë dhe nuk ka pasur asnjëherë krisje.
“Nuk di për lajmet që qarkullojnë në Torino, e lëre më në Spanjë. Marrëdhënia ime me lojtarin është e mirë. Nëse dikush zemërohet për zëvendësimin, është një gjë pozitive, veçanërisht nëse ata kanë fituar gjithçka dhe akoma kanë një motivim kaq të madh. Siç kam thënë për 25 vjet tani, unë e kuptoj pse lojtarët zemërohen për zëvendësimin, kështu që nuk më bën të ndjehem i revoltuar, por i ftohtë,” deklaroi Sarri.
Thashetheme të shumta për një krisje të marrëdhënieve mes Ronaldos dhe Sarrit shpërthyen pas atij zëvendësimi të luzitanit në ndeshjen me Milanit. Ndërkohë, mungesa në sfidën ndaj Atalantës u duk se përkeqësoi situatën, por diçka e tillë duket se nuk ka ndodhur.
