Oktoberfest, festivali më i madh në botë i birrës, filloi të shtunën për herë të parë që nga viti 2019, pasi u ndërpre për shkak të koronavirusit.
Miliona persona nga e gjithë bota janë mbledhur në Mynih të Gjermanisë, nëpër tenda, për të konsumuar birrë, për të dëgjuar muzikë e për të kërcyer.
“Duket pak ankthioze të ecësh nëpër gjithë këtë turmë. Sapo të ulemi dhe të pimë një birrë, do të jemi mirë”, tha një vizitor, sipas BBC.
Si turistët, ashtu edhe vendasit zgjedhin që birrën ta shoqërojnë me ndonjë salçiçe duke dëgjuar muzikë.
Kryebashkiaku i Mynihut, Dieter Reiter tha në fillim të këtij viti se Oktoberfest, i mbajtur nga 17 shtatori deri më 3 tetor, do të zhvillohej pa asnjë kufizim sa i përket masave Covid-19.
