Ministri për Rindërtimin, Arben Ahmetaj ka mbajtur sot një deklartatë për median nga salla COD e Kryemnistrisë në të cilën ka bërë një prezantim të ecurisë së procesit të rindërtimit në zonat e prekura nga tërmeti i 26 nëntorit.
Sipas tij, buxheti i rindërtimit ka arritur në 34 miliardë lekë, ndërsa aktualisht donacionet aktive llogariten në 272 milionë euro.
Duke folur për rindërtimin në zonën e Laçit ai tha se shumë shpejt turqia do të nis procesin e ndërtimit në këtë zonë pasi sipas tij tenderi është bërë në stamboll dhe ka fituar një kompani turke.
Ministri Ahmetaj ka folur edhe për aktin nomativ të qeverisë duke dhënë edhe një sinjal përkrahje për artistët e lokaleve të natës.
“Për çdo qytetar që shikon që ka një akt normativ që mbyll baret e natës do reflektojë që në ditën e orës së vështirë kush është forca politike dhe lidëri që përgjigjet dhe procesi i rindërtimit është një përgjigje shumë e drejtë dhe e verifikueshme se kjo qeveri dhe ky kryeministër nuk përgjigjet vetëm në ditë të mira por në ditë të vështira“, u shpreh Ahmetaj