Rita Ora dhe regjisori i njohur Taika Waititi debutuan në tapetin e kuq si çift në premierën e filmit të njohur “The Suicide Squad” të hënën në mbrëmje.
Këngëtarja 30-vjeçare shqiptare eci dorë për dore me regjisorin 45 vjeçar i cili luan edhe në film ndërsa konfirmuan dhe romancën mes tyre e cila ka bërë shumë bujë gjatë këtyre ditëve.
Këngëtarja kishte veshur një fustan të bardhë në formën e një kostumi ndërsa ishte kombinuar më së miri me partnerin e saj i cili kishte veshur një kostum gri.
Ndërsa kujtojmë se edhe në fillim të vitit çifti u kap nga paparacët në momente intime me njëri-tjetrin, por ajo që i çuditi të gjithë ishte momenti kur ata u fotografuan duke shkëmbyer puthje me aktoren Tessa Thompson.