Tifozët e Romës nuk u besojnë ende syve teksa shohin përmbysjen e mahnitshme të skuadrës së tyre të zemrës ndaj Barcelonës, në çerekfinale të Ligës së Kampionëve. Pas fitores së ndeshjes së parë në “Camp Nou”, me rezultatin 4-1, ndeshja e kthimit në “Olimpico” e pa skuadrën katalanase praktikisht joaktive.
Portieri Alisson nuk arriti të regjistronte një ndeshje të përkryer në planin personal, sepse nuk u rrezikua sikurse pritej, edhe pse pati përballë një nga skuadrat më të mira në botë. I intervistuar nga “Sport Tv”, portieri brazilian i Romës ka zbuluar një të veçantë, në atë natë magjike:
“Unë nuk munda të fle shumë, e kam shqyrtuar lojën deri ë 5 të mëngjesit. Ne ishim të përsosur. Ishte një mbrëmje historike dhe unë jam i nderuar të isha pjesë e saj. Ndiej gëzim të madh për tifozët, u lumturova kur pashë gjithë qytetin duke festuar”.
Pavarësisht nga goditja e rëndë që morën në çerekfinalen e parë (4-1), verdhekuqtë kryeqytetas thonë se realisht kishin shpresuar te përmbysja. Alison shton në këtë pikë: “Ne e kemi rishikuar disa herë ndeshjen që humbëm në në Spanjë dhe kemi pasur njohuri të mjaftueshme si mund t’i kundërvihemi Barcelonës. Përveç kësaj, më shumë se ne, ata kishin vetëm Messin…”./TeleSport
