Tuesday, July 5, 2022
  • Login
Gazeta Mapo
  • Shqipëria
    • Aktualitet
    • Politikë
    • Kronikë
    • Ekonomi
    • Sociale
  • Opinione
    • Editorial
    • Analizë
    • Koment
    • Blog
    • Gjeopolitikë
  • Universiteti
    • Politologji
    • Jurisprudencë
    • Economi
    • Inovacion
    • Mjekësi
  • Bota
    • BE
    • Kosova
    • Maqedoni
    • Mali i Zi
    • Globi
  • Revista
    • Libri
    • Letërsi
    • ShowBiz
    • Shije
    • Sport
No Result
View All Result
Gazeta Mapo
No Result
View All Result

Rrethimi me shembuj e than lëvizjen e Berishës

by us er1
20/04/2022
in Aktualitet, Arkiva 2, Kryesore, Op Ed
0

Preç Zogaj

Zyrtarët dhe ish zyrtarët e shpallur non grata apo të sanksionuar me bllokim të pasurive nga SHBA dhe Britania e Madhe kanë secili historitë e tyre përsonale. Si është njëri, nuk është tjetri. Nga lista amerikane dhe britanike e javës së shkuar del edhe njeherë në pah se motivet bazë që kanë çuar në ndëshkimin e tyre janë dy: Korrupsioni në një anë, minimi i demokracisë në anën tjetër.

E thotë shumë qartë Ministrja e Jashtme britanike, Liz Truss, në deklaratën e saj për sanksionimin e politikanëve serbë të Bosnjës, Millorad Dodik dhe Zhelka Cvijanovic, të cilët ishin shpallur non gratta më parë nga SHBA: “Këta dy politikanë po minojnë qëllimisht paqen e fituar me vështirësi në Bosnje-Hercegovinë. Të nxitur nga Putini, sjellja e tyre e pamatur kërcënon stabilitetin dhe sigurinë në të gjithë Ballkanin Perëndimor. Me këto sanksione të ashpra po tregojmë se armiqtë e paqes do të mbajnë përgjegjësi”, tha zonja Truss.

Sanksionimi  nga SHBA i ish-kryeministrit të Maqedonisë së Veriut, Nikolla Gruevski, dhe ish-shefit të  Drejtorisë së Sigurisë dhe Kundërzbulimit në këtë vend, Sasho Mijalkov, mikson në peshoren e vendimit dy motivet e lartpermendura. Ku flirtimi dhe angazhimi ndaj politikave destabilizuese të Moskës peshon po aq rëndë e në mos më shumë se korrupsioni.

E njëjta gjë mund të thuhet për ish Presidentin e Malit të Zi gjatë periudhës së federatës serbo malazeze, Svetozar Marovic, i arratisur në Serbi për t’i shpëtuar  ndëshkimit nga drejtësia.

Këto saksionime dhe të tjerat para tyre tregojnë qartë se korrupsioni madhor  i zyrtarëve të lartë shkon çift me sjelljen e tyre antidemokratike, orjetimin  antiperendimor dhe flirtimin me Rusinë putiniste. Të sanksionuarit nuk janë thjesht të padëshërueshëm (non grata) në tokën amerikane dhe Britanike. Më shumë se kaq, ata janë shpallur publikisht si kundërshtarë dhe armiq të demokracisë qoftë në vendet e tyre, qoftë të SHBA, Britanisë së Madhe dhe Perendimit  në tërësi. Shpalljet pasqyrojnë dhe theksojnë vijat e kuqe që ndajnë hapësirën demokratike euroatllantiste nga hapësira autokratike, iliberale e Rusisë dhe aleatëve të saj. Kurt Volker, ish-ambassador i SHBA-se në NATO dhe i derguari i Uashingtonit në Ukraine shkruante në “ Foreign Policy” në vjeshtën e vitit  2018: “Një Ballkan i cili, ngadalë por i sigurt, po bëhet pjesë e Europes normale, po acaron gjithinje e me teper ambicien ruse për ta përçarë Europën në zona influence, për të legjitimuar praktikat jodemokratike, mënyrën jo perëndimore të sundimit nga lart-poshtë dhe krijimin e mundësive që Rusia ta ushtrojë influencën e vet përmes korrupsionit, operacioneve të spiunazhit dhe disinformimit”.

Sigurisht, nuk është e thënë që çdo i saksionuar për veprimtari korruptive e është automatikisht, së paku në mënyrë të vetedijshme, në shërbim të politikave  antiNATO dhe antiBE të Rusisë. Një gjë e tillë thjesht do ta shkarkonte të saksionuarin nga njëra prej akuzave, por jo se do ta amnistonte nga tjetra. Korupsioni dhe blerja e votave minojë demokracinë edhe kur i bën dikush që mund të mburret se është atdhetar i flaktë.

Shqipëria është në fokusin e përdorimit të instrumentit non grata nga SHBA dhe me gjasë edhe nga Britania e Madhe kryesisht për shkak të korrupsionit endemik, pandëshkueshmërisë nga në qeveri në tjetrën, vulnerabilitetit të elitës së korruptur politike për t’u kapur nga krimi dhe stratagemat politike antiperendimore. Nga kjo pikëpamje dhe për arsye të tjera që lidhen me fatin e saj dhe me historinë e marrëdhënieve me SHBA në veçanti, Shqipërisë i shkon të jetë e duhet të jetë shumë më e ndjeshme, më e vendosur dhe më solidare se vendet sllave fqinje në mbështetje të instrumentit non grata.

Deri para një viti, PD, Berisha, opozita e tundnin këtë instrument si flamur të luftës kundër korrupsionit dhe krimit në Shqipëri. Muzika ka ndryshuar pas një viti. Shpalljet e fundit nga SHBA dhe Britania e Madhe janë përshendetur nga kryetari në detyrë i PD-së Enkeljed Alibej, Sekretari i Përgjithshëm, Gazmend Bardhi, deputetët demokratë Lulzim Basha dhe Jorida Tabaku. Ndërkohë kanë kaluar në heshtje nga Berisha dhe Grupi i Rithemelimit dhe janë komentuar aty  këtu me arra nepër gojë nga ndonjë zyrtar i shumicës socialiste të Ramës.

Arsyreja që Berisha me të tijtë kanë mbyllur gojën është e qartë. Nga një anë është e kuptueshme dhe madje e justifikueshme që njeriu të heshtë kur ndëshkimi  non grata  që  ka pësuar  përsonalisht godet të tjerë. Heshtja në këtë rast është gjjthsesi më mirë se të tregosh solidaritet të hapur me Dodikun, Gruevskin, Rakipin apo Ndroiqin. Por heshtja për këto shpallje e kompromenton dhe e rrëzon  pretendimin e Berishës se i është bërë atij përsonalisht një padrejtësi. A mos mendon se edhe këtyre të tjerëve ua ka bërë Xhorxh Soros dhe jo shteti amerikan në  bazë të informacioneve që mbledhin e shoshisin një mori institucionesh për një kohë të gjatë? Në mos vetë Berisha, dikush tjetër afër tij mund të shprehej me fjalët e duhura në mbështetje të  shpalljeve në fjalë. Njëra prej tyre ajo për ish deputetin Rakipi ka lidhje të drejtepërdrejtë me fenomenet e shitblerjes së votës dhe angazhimin e  individëve me rekorde kriminale në politikë- dy rekordet e  zeza të kryeministrit Rama në kaudrin e politikës së tij të rrethimit të zgjedhjeve. Si mund të mos prononcohet  për këtë një  grupim poltik që ka qenë viktimë e shitbklerjes së urryer të votës? Heshtja e Berishës, do s’do, tregon vetvetiu se ai e ka luftën me instrumentin non grata si të tillë.

Që duhet zhvleresuar e normalizuar si diçka pa rendësi në jetën tonë politike dhe publike! Në fakt, pasi i kanë rënë me radhë të gjitha arsyet me të cilat e nisi Foltoren dhe tani i ka mbetur vetëm arsyeja e parë dhe e vetme, përpjekja për të sfidur SHBA-në me ndjekës nga prapa, Sali Berisha po udhëheq zhvlerësimin e instrumentit non grata në dëm të PD-së, opozitës, Shqipërisë, antikorrupsionit, drejtësisë. Përpjekja është vërtetë trishtuese. Pavarësisht se gjasat për sukses nuk ekzistojnë. Në të kundërten ,për të gjitha asyet që pemendem në krye të këtij shkrimi, shpalljet e reja non grata nga rajoni dhe Shqipëria vetëm e rrisin vlerën e instrumentit “non grata” në sytë e publikut të gjerë. Ato janë inkurajuese për drejtësinë dhe shoqërisë civile në vendin tonë. Ndërkohë që “rrethimi” me shembuj të ngjashëm vetëm e qartëson, dobëson dhe than lëvizjen e Berishës.

 

Tags: Preç Zogaj

JU SUGJEROJME

Dy gëzime në një ditë, Berisha i rezervon një surprizë bashkëshortes, “më të mirës së familjes sonë”
Kryesore

Dy gëzime në një ditë, Berisha i rezervon një surprizë bashkëshortes, “më të mirës së familjes sonë”

05/07/2022
Emri/ Dalin detaje, kush është 49-vjeçari që qëlloi me armë drejt fëmijëve në Shkodër
Aktualitet

Emri/ Dalin detaje, kush është 49-vjeçari që qëlloi me armë drejt fëmijëve në Shkodër

05/07/2022
Përse shqiptarët “nxitojnë” për t’i uruar pavarësinë Amerikës?!
Aktualitet

Përse shqiptarët “nxitojnë” për t’i uruar pavarësinë Amerikës?!

04/07/2022
Putin del hapur në nxitje të radikalëve prorusë në Europë
Analizë

Një shumicë antiamerikane është e pamundur, por edhe një pakicë është turp

04/07/2022
Next Post
Cristiano Ronaldo infektohet me koronavirus

Foto/ Pas humbjes së djalit, Ronaldo kthehet në stërvitje me Manchester United

Leave a Reply Cancel reply

Your email address will not be published. Required fields are marked *

No Result
View All Result

     





Më Të Lexuarat

  • Dy gëzime në një ditë, Berisha i rezervon një surprizë bashkëshortes, “më të mirës së familjes sonë”
  • Emri/ Dalin detaje, kush është 49-vjeçari që qëlloi me armë drejt fëmijëve në Shkodër
  • Të shtëna me armë në Cërrik, ja çfarë ka ndodhur
  • Përse shqiptarët “nxitojnë” për t’i uruar pavarësinë Amerikës?!
  • Aurela Gaçe tregon se me cilin prej kolegëve nuk flet



Editorial: [email protected]
Synimi: Ndikimi në debatin dhe veprimtarinë e aktorëve shoqëror përmes përthyerjes së ngjarjeve dhe fenomeneve me interes publik është synimi kryesor i Gazetës

Editorial: [email protected]
Synimi:
Ndikimi në debatin shoqëror dhe veprimtarinë e aktorëve shoqëror përmes përthyerjes së ngjarjeve dhe fenomeneve me interes publik është synimi kryesor i Gazetës

Marketing

Drejtore Marketingu
Bleona Mehaj
Tel : +355675852188
Email : [email protected]

2022. Te gjitha te drejtat e rezervuara
Dev by Wearedope.com

No Result
View All Result
  • Shqipëria
    • Aktualitet
    • Politikë
    • Kronikë
    • Ekonomi
    • Sociale
  • Opinione
    • Editorial
    • Analizë
    • Koment
    • Blog
    • Gjeopolitikë
  • Universiteti
    • Politologji
    • Jurisprudencë
    • Economi
    • Inovacion
    • Mjekësi
  • Bota
    • BE
    • Kosova
    • Maqedoni
    • Mali i Zi
    • Globi
  • Revista
    • Libri
    • Letërsi
    • ShowBiz
    • Shije
    • Sport

2022. Te gjitha te drejtat e rezervuara
Dev by Wearedope.com

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In