Donald Trump akuzoi mediat amerikane se nuk treguan vëmendjen e duhur për rrëzimin presidentit Joe Biden nga shkallët e avionit presidencial, duke hedhur hipotezën se zv.presidentja Kamala Harris do të marrë shumë shpejt drejtimin e Zyrës Ovale.
Trump tha për Newsmax se ai beson se Biden është në një rënie mendore dhe është shumë i hutuar për të lexuar shkresat që duhet të firmosë si president dhe se për këtë arsye demokratët do të përdorin Amendamentin e 25 për ta zëvendësuar atë me Harris.
“Ai rrëzim ishte i tmerrshëm. Në fakt ishin 3 rrëzime dhe nuk u përmendën nga pjesa më e madhe e mediave”, u shpreh presidenti Trump. “Kjo është diçka shumë e tmerrshme. Nuk ka më liri shtypi”, shtoi ai.
Mbrëmjen e së premtes faqet kryesore të MSNBC, CBS News, Washington Post, Los Angeles Times dhe New York Times shfaqën incidentin e rrëzimit të Biden në bazën Andrews.
Shtëpia e Bardhë u mundua të reagojë për ngjarjen duke thënë se presidenti nuk u lëndua dhe duke fajësuar erën për rrëzimin e tij.
Etiketa: biden, Trump
