Kryeminstri Edi Rama deklaroi mesditën e sotme se duke filluar nga 1 janar 2020, pagat e mjekëve dhe arsimtarëve do të rriten përkatësisht me 40% dhe 15%.
Ministrja e Financave, Anila Denaj bëri të ditur megjithatë se rritja e pagave do të ketë një kosto jo pak të lartë në buxhetin e shtetit; 8 miliardë lekë.
“Qeveria miraton këtë javë rritje pagash për punonjësit në arsim dhe shëndetësi. Në shëndetësi përfitojnë mbi 18 mijë punonjës. Kjo ka një kosto në buxhetin e shtetit, ku llogaritet në 8 miliardë lekë. Rritja e pagave do të hyjë në fuqi më 2021”, tha Anila Denaj Denaj.
Kryeministri Edi Rama theksoi se bëhet fjalë vetëm për pagën neto, pasi në vijim, sipas tij, do të shihen një sërë elementësh të tjerë.
“Këtu bëhet fjalë për pagën neto, ndërkohë që janë një sërë elementësh të tjerë financiarë, që kanë të bëjnë me pagat për orët ekstra, për bonusin, për mësuesit që shërbejnë jashtë qendrave të banimit. Këto elementë do t’i detajojmë në vijim”, tha Rama.
