Aktualitet

Rritja e rasteve me Covid-19/ Mali i Zi mbyll kufirin me Shqipërinë





Bëni LIKE faqen zyrtare në Facebook
               Publikuar në : 11:02 - 20/06/20 |
mapo.al

Mali i Zi ka mbylllur kufirin me Shqipërinë. Ministria për Evropën dhe Punët e Jashtme ka njoftuar se Njësia Operacionale e Krizës së Qeverisë së Malit të Zi do të rishikojë listën e vendeve që do të lejohen të hyjnë në kufirin malazez, si pasojë e pandemisë së shkaktuar nga Covid-19.


“Nisur nga numri në rritje i shtetasve të infektuar aktiv në vendin tonë, që aktualisht e kalon numrin 700 (limit ky i vendosur më parë nga autoritetet malazeze dhe që e kalon shifrën 25 të infektuar për 100.000 banorë), autoritetet malazeze kanë vendosur të mbyllin kufijtë tokësorë me Shqipërinë dhe të lejojnë hyrjen tranzit në territorin malazez vetëm për shtetasit që prezantojnë në kufi dokumentin e testimit negativ ndaj COVID-19, të bërë brenda 48 orëve” -thotë Ministria e Jashtme shqiptare.


Mbyllja e kufirit fillon prej mesnatës së të dielës, datë 21 qershor 2020, dhe është e vlefshme deri në një vendim të dytë të Njësisë Operacionale të Krizës në Podgoricë.


Nga ky kufizim përjashtohen udhëtarët që kanë një funksion/nevojë thelbësore, si:


– profesionistët shëndetësorë, kërkuesit mjekësorë;

– personeli i angazhuar me transportin e mallrave dhe çdo personel tjetër transporti;

– diplomatët, stafi i organizatave ndërkombëtare, personeli ushtarak dhe punonjës të ndihmës humanitare gjatë ushtrimit të funksioneve të tyre;

– Kategori të veçanta pasagjerësh në tranzit;

– Personat që kanë nevojë për mbrojtje ndërkombëtare në Malin e Zi, ose për arsye të tjera humanitare.


Etiketa: ,

CLOSE
CLOSE
Pas