Zbardhen emrat e zyrtarëve të arrestuar tek Inspektorati Shtetëror Shëndetësor dhe Instituti i Higjienës, që ishin subjekt i operacionit të SPAK dhe Policisë së Shtetit.
Ata akuzohen se kryenin kontrolle në subjekte të ndryshme tregtare në Tiranë dhe ndonëse konstatonin shkelje, kundrejt ryshfetit, plotësonin librezat e biznesit sikur nuk ishin konstatuar shkelje.
Policia, mësohet se ka ekzekutuar masat e sigurisë të firmosura nga Gjykata e Posaçme me kërkesë së SPAK për mbi 10 zyrtarë të strukturave shëndetësore si dhe administratorë e përfaqësues të subjekteve të ndryshëm tregtarë.
Nga personat e hetuar, janë dhënë masat paraprake të sigurisë – “arrest shtëpie” për 9 prej tyre, “arrest me burg” për 2 të tjerë dhe 3 po hetohen në gjendje të lirë.
Më konkretisht, masa e “arrestit me burg” është vendosur për: Niko Nika, Hazis Lura.
“Arrest në shtëpi” për: Eda Myftari, Ihsan Hasani, Franc Daija, Ilir Hoxha, Ornela Balla, Johana Sinani, Arjan Gjoka, Evald Bejaj.
Dhe “pezullim të ushtrimit të detyrës” ndaj: Luiza Metani (Goduni), Diana Hysi, Marinela Sulmina (Hysi). Këta të fundit po hetohen në gjendje të lirë.
Personat nën hetim akuzohen për veprat penale: “Shpërdorim Detyre”, “Korrupsion pasiv i personave që ushtrojnë funksione publik” dhe “Ushtrim i ndikimit të paligjshëm ndaj personave që ushtrojnë funksione publike”.
LEXO EDHE:
‘Vërtetime abuzive’/ Arrestohen disa punonjës të ‘ISHSH’ dhe ‘Higjienës’
Etiketa: arrestime, emra, Higjiena, ishsh, masa e sigurisë, zyrtarët
