Aktualitet

“Sa hashash do? Kemi dhe armë plot” – Përgjimet që zbuluan 7 trafikantët














Bëni LIKE faqen zyrtare në Facebook
               Publikuar në : 13:25 - 09/08/21 |
mapo.al

Të tjera detaje janë zbardhur nga dosja hetimore që çoi në arrestimin e 7 personave që tentuan të trafikonin një sasi droge por u zbulua edhe shitja e armëve.






Këta persona u arrestuan me armë dhe drogë tre ditë më parë në aksin Vorë Fushë-Krujë.


Në dosjen hetimore thuhet se një ndër personat e arrestuar, Korab Çala, i cili është dhe drejtuesi i grupit, ka kryer aktivitet kriminal kryesisht në gjetjen, grumbullimin dhe me pas shitjen e armëve dhe lëndës narkotike me qëllim përfitimi.







Në dosjen në fjalë, përmes përgjimeve, Cala shprehet se kërkon që të shesë një armë zjarri të llojit pistoletë me mulli në vlerën e 1200 eurove, një armë zjarri automatike në vlerën e 800 eurove dhe 1 kg hashash në vlerën e 1600 eurove.



“Sa do, do 100, 200, 500 kg hashash. Po edhe armë kemi plotë, mund të siguroj 10 pistoleta Glok dhe 10 kallash por pasi të kemi mbaruar punë me hashashin”, thuhet në një prej bisedave të zbardhura në dosjen hetimore.



Kujtojmë se personat e arrestuar në lidhje me trafikun e drogës dhe të armëve janë; Korab Çala, Anton Gjini, Onfred Dedja, Gerald Stema, Klejvis Metalla, Gernard Lala si dhe Alfred Sefa.

Për të 7 personat, gjykata caktoi sot masën e sigurisë arrest me burg.

Operacioni ku u arrestuan 7 personat
Operacioni i koduar “Motoristi” u zhvillua tre dite me pare, ku personat ishin duke qarkulluar me tre mjete të ndryshme në aksin rrugor Vorë-Fushë Krujë. Pas ndalimit nga shërbimet e Policisë, gjatë kontrollit të ushtruar në njërin prej mjeteve u gjetën rreth 62 kg lëndë narkotike cannabis sativa, e cila u sekuestrua në cilësinë e provës materiale, së bashku me 3 mjetet dhe 12 aparate celulare.

“Seksioni i Hetimit të Narkotikëve në DVP Durrës, në bashkëpunim me Forcën Operacionale në Drejtorinë e Përgjithshme të Policisë së Shtetit, në vijim të punës për goditjen e veprimtarisë kriminale në fushën e narkotikëve, pas marrjes së informacionit se disa shtetas që po lëviznin në aksin Vorë-Fushë Krujë, dispononin sende të kundërligjshme me vete, organizuan punën dhe finalizuan me sukses operacionin e koduar “Motoristi”, në kuadër të të cilit u arrestuan në flagrancë shtetasit:

K. C., 39 vjeç, O. D., 44 vjeç, K. M., 20 vjeç, banues në Tiranë, G. L., 28 vjeç, banues në Dibër, A. Gj., 39 vjeç, G. S., 22 vjeç dhe A. S., 40 vjeç, banues në Krujë.

Këta shtetas kanë qenë duke qarkulluar me 3 mjete të ndryshme në aksin rrugor Vorë-Fushë Krujë. Pas ndalimit nga shërbimet e Policisë, gjatë kontrollit të ushtruar në njërin prej mjeteve u gjetën rreth 62 kg lëndë narkotike cannabis sativa, e cila u sekuestrua në cilësinë e provës materiale, së bashku me 3 mjetet dhe 12 aparate celulare.

Nën drejtimin e Prokurorisë së Rrethit Gjyqësor Durrës vijon puna për identifikimin dhe kapjen e personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Durrës për veprën penale “Prodhimi dhe shitja e lëndëve narkotike” kryer në bashkëpunim”, thuhet ne njoftimin e policise tre dite me pare.

1


Etiketa: , , ,

CLOSE
CLOSE
Pas