Mbyllet mes entuziazmit edhe Foltorja e Gjirokastrës.
Në fund të fjalës së tij, lideri historik i PD, Sali Berisha, tha se do të hapen dyert e PD jo vetëm për të pakënaqurit dhe të larguarit, por edhe për flukset e reja.
“Ne do i kthejmë të pakënaqurit, kur ata të besojnë se kemi votën bazë. Do jetë vota ajo që do përcaktojë vendin dhe meritën e gjithsecilit. Ne nuk kemi shkop magjik, por natyrisht në marrëdhënie, njeriu i qytetëruar ka edhe disa detyrime. Ka mirëbesimin, ka vlerësimin. Por nëse ke derdhur vite të tëra djersë për një kauzë të përbashkët dhe marr lapsin dhe të bie kryq, në radhë të parë tregoj se kam krizë personaliteti sepse këtë nuk mund ta bëj kurrë. Prandaj jam i bindur se ata, por edhe dhjetëra mijëra që janë vendosur në harresë do i kthejmë. Sikundër do hapemi fuqishëm drejt flukseve të reja, drejt prurjeve të reja,” tha Berisha.
“Ju falënderoj shumë për këtë pritje vëllazërore të zjarrtë. Mirënjohjen më të thellë,” theksoi Berisha.
