Deputeti demokrat Ervin Salianji ka dalë sërish kundër kryetarit të komanduar të Partisë Demokratike, Enkelejd Alibeaj, i cili prezantoi ditën e diel draftin për zgjedhjen e presidentit.
Në një deklaratë për mediat jashtë ambienteve të Kryesisë së Kuvendit, Salianji u shpreh nuk mund të ketë mbledhje të Grupit Parlamentar ditën e sotme, sepse nuk ka kuorumin e nevojshëm.
Po ashtu, ai ka kërkuar që Komisioni i Rithemelimit të përfshihet në bisedimet për procedurën e zgjedhjes së presidentin të ri.
“Sot nuk pati mbledhje të kryesisë së Grupit Parlamentar. Ka pasur përpjekje nga mua që të përfshiheshin në mbledhje edhe deputetë të PD-së nga Rithemelimi. Ne funksionojmë me rregulloren e PD-së dhe jo të Ramës. Kam komunikuar me pjesën më të madhe dhe nuk kam pasur njoftim për mbledhje të grupit parlamentar. Nuk ka mbledhje sepse nuk ka kuorum”, tha Salianji.
Kreu i Grupit Parlamentar të Partisë Demokratike, Enkelejd Alibeaj ka thirrur sot mbledhjen e deputetëve për të diskutuar për procedurën e zgjedhjes së kreut të shtetit. Takimi i deputetëve demokratë është njoftuar në orën 14:00.
