fbpx

Aktualitet

Salianji: Landi Muharremi ka punuar në fushatë për Ramën





               Publikuar në : 14:05 - 02/11/19 |
mapo.al

Një ditë pas atentatit tek mbikalimi i Shkozetit në Durrës, ku mbeti i plagosur prokurori Arjan Ndoja, shoferi i tij, Andi Maloku dhe një mik i tyre me emrin Landi Muharremi, person me precendentë penalë, ka reaguar ish-deputeti i PD-së, Ervin Salianji.


Salianji thotë se Landi Muharremi që thirrej “Rrumi” ka ndihmuar në fushatë Partinë Socialiste, ndërsa ka kërcënuar përfaqësues të PD në bashkinë e Sukthit në vitin 2015. Ai kujton se e ka denoncuar “Rrumin” bashkë me dy të tjerë, por policia i mori në mbrojtje dhe pavarësisht urdhrit të arrestit të lëshuar nga prokuroria ata vazhduan të qetë fushatën.



Postimi i plotë në facebook i Salianjit:


Autoriteti i shtetit ështē vënë përfund nga lidhjet e qeverisë Rama me krimin e organizuar.

Nuk ka ngjarje kriminale që mos të ketë të përfshirë individe me rekorde të rënda kriminale dhe mafioze që janë përdorur në fushatë nga Rama.

Më kujtohet se si ky “Rrumi” që sot trumbetohet me të madhe nga mediat pranë PS si person me rekorde të tmerrshme jo vetëm që nuk arrestohej por kontrollon zona influence në administrate publike.

Parimi ështē i qartë: ndihmo Ramën në fushatë dhe kontrollo më pas administratën publike, asetet, burimet natyrore dhe trajtimin e popullsisë si skllevër.

Sot konflikti ështē mes bandave që mbeshtesin Ramën dhe kur qeveria behet palë me njërën tjetra ka guxim dhe të kërkoje eleminim fizik!

Në 2015 denoncuam me emër dhe mbiemër “Rrumi” allias Land/Pellumb Muharremi dhe Bert dhe Gezim Hoxha, te tre ne krye te nje strukture kërcenonin me armë mbeshtetës të Partisë Demokratike dhe shkuan deri aty sa kërcenuan me jetē çdo përfaqesues te PD ne komisione duke lene bosh shumicen e komisioneve në ish Bashkinë Sukth! Ne i denoncuam ne fushatë, policia i mori në mbrojtje dhe pavaresisht urdherit te arrestit te leshuar nga prokuroria ata vazhduan te qete fushaten kercenuese! Pas zgjedhjeve si shperblim Bert Hoxha u emerua administrator i Njesise Sukth si shperblim për vjedhjen e votave!

Prandaj ështē imediate ndeshkimi i gangestereve me pushtet, se ska asnje rruge tjeter per te shkeputur lidhjet e politikes me krimin!

Prandaj gangesteret marrin guximin të ngrenë doren ndaj punonjësve publikë!

Ne nuk i harrojmë, me forcën e ligjit do ti shtypim bandat dhe mafian që po i pijnë gjakun Shqipërisë dhe po e bejnë të pabanueshme për qytetarët!

*Kronika e 2015


Etiketa: , , , , , , , ,

CLOSE
CLOSE
Pas