Deputeti Ervin Salianji thotë se deklarata e lexuar nga Enkelejd Alibeaj është një dokument tërësisht i ndryshëm nga ai që i është paraqitur atij.
Sipas Salianjit kjo është deklaratë e njëanshme pa marrë as dakordësinë për publikim të shumë prej kolegëve, që e përçan dhe ndan Partinë Demokratike.
“Forma, mënyra dhe përgatitja e këtij dokumenti mbyllin rrugën për çdo diskutim të përbashkët dhe krijojnë premisat për ndarjen përfundimtare të Partisë Demokratike. Dorëheqjet duke mos hequr dorë nuk janë zgjidhje ashtu si çdo proces i njëanshëm është i dëmshëm për Partinë Demokratike”, shkruan Salianji ne reagimin e tij.
Sipas tij koha do të zbulojë se si kjo deklaratë publike bëhet për interesa meskine, me strategjinë e qartë që Partia Demokratike të ndahet dhe të krijohen 2 parti.
