Alexis Sanchez kaloi merkaton e kësaj vere në formulën e huazimit nga Manchester United tek Interi. Sulmuesi kilen e ka nisur pozitivisht aventurën e tij me zikaltrit, teksa shënoi që në ndeshjen debutuese si titullar.
Pavarësisht se sezoni sapo ka nisur, nga Anglia bëjnë me dije se United nuk e dëshiron më rikthimin e Sanchez, madje i ka vendosur dhe një çmim 30-vjeçarit. Sipas “The Sun”, drejtuesit nga “Old Trafford” do të kënaqeshin me 25 milionë sterlina për të lënë të lirë Sanchez.
Inter mund ta mendojë seriozisht blerjen e sulmuesit, të paktën nëse Sanchez tregon formë të mirë dhe funksionon në majën e sulmit me Romelo Lukakun.