Pas golit të shënuar të shtunën kundër Sampdorias, edhe pse doli me karton të kuq, Alexis Sanchez po përgatitet të rikthehet në “Camp Nou”. Në fakt, Interi do të përballet me Barcelonën të mërkurën, më 2 tetor, prej orës 21:00, në ndeshjen e dytë të fazës së së grupeve të Champions-it.
Për kilenin, i cili ka luajtur 3 sezone me fanellën blaugrana, duke shënuar me të 47 gola dhe dhënë 35 asiste, do të jetë një ndeshje e radhës.
“Kur arrita atje, të gjithë thanë se ishte Barcelona më e fortë ndonjëherë, – tha Sanchez për “UEFA.com”.
Ajo skuadër kishte Guardiolën, Messi, Xavi, Iniesta dhe Puyol, luante vërtet futboll të bukur.
Ai klub më mësoi një stil të ndryshëm të lojës, bazuar në posedimin e topit. Për më tepër, duke u stërvitur me lojtarët e këtij kalibri, ju mund të përmirësoheni dhe të rriteni shumë”.
Tani, megjithatë, mendon vetëm për Interin:
“Kthimi në Itali ishte rigjetje e dashurisë për futbollin. Unë tashmë e njihja Conte dhe disa lojtarë zikaltër. Mendoj se klubi po hedh bazat e një të ardhmje të shkëlqyer. Dua të fitoj diçka me këtë fanellë. Conte? Ai dëshiron të fitojë gjithçka, e transmeton optimizmin e tij te lojtarët dhe kjo është një gjë pozitive për të gjithë mjedisin.
Ne jemi një ekip i mire. Si gjithë të tjerët, duam ta fitojmë Ligën e Kampionëve. Le të mendojmë për ndeshjen e radhës, ndaj Barcelonës, për momentin. Të shkojmë në këtë transfertë jo vetëm sa për formalitet”.
Barcelona dhe Inter janë dy skuadra që i bashkon ambicia përtej të zakonshmes, sipas kilenit: “Klubet e këtij kalibri duhet të përqëndrohen në dëshirën e lojtarëve të tyre. Kur luaja te Barcelona, edhe një barazim shihej si humbje, duhej vetëm të fitojë. Edhe tek Interi po injektohet kjo frymë nga Conte. Ne duhet të synojmë për më të lart, ndeshje pas ndeshjeje”.
