Interi mposhti me rezultatin 3-4 Sasuolon, në një ndeshje të çmendur ku ziklatërit rrezikuan të barazoheshin në fundin e takimit. Ekipi i drejtuar nga Conte edhe pse në një moment udhëhiqte 1-4, rrezikoi shumë për të mos dalë me pikë të plota.
Një fitore të vyer që i jep mundësinë të mbaj hapin e “Zonjës së Vjetër”. Diferenca me kreun është vetëm një pikë.
Zikaltërit krijuan iluzionin e një transferte të lehtë ku Martinez kaloi Interin në avantazh që në minutën e 2-të. Pa shijuar mirë avantazhin, Berardi barazoi shifrat për Sassuolon në minutën e 16-të.
Fundi i pjesës së parë ishte një ‘show’ personal i Lukakut. Belgu realizoi një dopjetë golash, fillimisht në minutën e 38-të ndërsa në të 45-tën u tregua i saktë nga pika e bardhë e penalltisë.
“Bëmë një lojë shumë të bukur në pjesën e parë të ndeshjes. Duhet të kishim shënuar më shumë gola në pjesën e dytë. Pozitive në këtë ndeshje ishin vetëm tre pikët, megjithatë ne duhet të mbrojmë më mirë. Përpiqem të ndihmoj ekipin gjatë gjithë ndeshjes dhe jam i lumtur për skuadrën, sepse ishte e rëndësishme të merrnim fitoren ditën e sotme.”, u shpreh belgu.
Historia mbeti e pandryshuar deri në minutën e 71-të ku Martinez realizoi golin e dytë personal duke kompletuar “pokerin” ziklatër. Mirëpo Inter dhe Conte nuk i kishin bërë mirë llogaritë. Vendasit realizuan 2 gola duke ngushtuar diferencat në 3-4. Interi gjithashtu rrezikoi edhe minutat e fundit, gjë që do t’i hiqte 2 pikë shumë të vlefshme.
Ndërkohë, Sassuolo mban vendin e 16-të me 6 pikë pas 8 javësh kampionat.
