Në Uashington ka pasur një përpjekje për të përshpejtuar dërgimin e 40 miliardë dollarëve, në ndihmë të Ukrainës.
Kryedemokrati dhe republikani kryesor në Senat, bashkuan forcat në një shfaqje të rrallë uniteti dhe ranë dakord për nevojën për të dërguar sa më shpejt paketën e ndihmës në Kiev. Kjo cilësohet ndihma më e madhe dërguar nga SHBA në një vend të huaj.
Por një senator, republikani Rand Paul nga Kentaki, arriti ta pengonte dërgimin e ndihmës.
Paul, i cili historikisht ka kundërshtuar shpenzimet për ndihmën e huaj, refuzoi të mbështeste propozimin që kishte nevojë për mbështetje unanime. Ai po kërkon ndryshimin e legjislacionit, duke kërkuar që një zyrtar të mbikëqyrë shpenzimet për konfliktin.
“Nëse senatori Paul këmbëngul në kërkesat e tij të pamatura… gjithçka që ai do të arrijë është të vonojë vetëm ndihmën e nevojshme për Ukrainën,” tha udhëheqësi i shumicës në Senat, Chuck Schumer.
