Serie A gjen këtë të dielë Milanin krye.
Kuqezinjtë e Piolit fituan 4-0 ndaj Crotones.
Zlatan Ibrahimoviç dhe Ante Rebiç realizuan nga dy herë në suksesin e 15-të sezonal.
Goli i parë në “San Siro” erdhi në minutën e 30-të.
Kombinime të bukura mes Ibrahimovic dhe Leaos dhe finalizim i bomberit suedez.
39-vjeçari dyfishoi në minutën e 64-t.
Theo Hernandez e gjeti bukur në zonë dhe gjiganti nordik nuk fali.
12 gola sezonalë në Serie A dhe 501 gola me klube në karrierë.
Minuta “zjarri” për kuqezinjtë, që shënuan edhe dy herë të tjera në gjashtë minutat e ardhshme.
Dy asiste të Calhanoglu dhe dy gola të Ante Rebic.
Përfundimisht 4-0 dhe vendi i parë me 47 pikë për “Djallin”.
Udinese mposhti 2-0 Hellas Veronën, falë dy realizimeve në minutat e fundit.
Moment i mirë për bardhezinjtë, të cilët regjistruan suksesin e dytë radhazi në kampionat.
Përballja tjetër midis Beneventos dhe Sampdorias, e luajtur në drekë, përfundoi në barazim 1-1.
