Aktualitet

SHBA dërgon luftanije në Detin e Zi, tensionet Ukrainë-Rusi janë në rritje














Bëni LIKE faqen zyrtare në Facebook
               Publikuar në : 16:36 - 09/04/21 |
mapo.al

Javën e ardhshme, Shtetet e Bashkuara do të dërgojnë dy anije luftarake në Detin e Zi, përmes Ngushticës së Bosforit.






Dërgimi i anijeve po ndodhë në kohën kur tensionet mes Ukrainës dhe Rusisë janë në rritje. Anijet do të kalojnë përmes Ngushticës së Bosforit më 14 dhe 15 prill dhe do të largohen më 4 maj dhe 5 maj, u tha gazetarëve një burim i ministrisë së Jashtme turke, raporton AFP.


Uashingtoni duhet ta lajmërojë Ankaranë 15 ditë përpara kur planifikon të dërgojë anije luftarake nëpër ngushticat e Bosforit dhe Dardaneleve, sipas një traktati që daton nga viti 1936. Traktati u mundëson anijeve luftarake të huaja të qëndrojnë në Detin e Zi për 21 ditë.







Anijet e Marinës amerikane vazhdimisht operojnë në rajon për të treguar mbështetjen ndaj Ukrainës, e cila ka luftuar me forcat pro-ruse që nga viti 2014 kur Rusia e ankesoi gadishullin e Krimesë.

Lexo edhe :  SHBA u kërkon udhëheqësve botërorë të vaksinojnë 70% të popullsisë brenda 2022


Në periudhën e fundit Rusia dërgoi përforcime ushtarake si në kufirin ukrainas ashtu edhe në Krime. Sekretari i shtypit i Shtëpisë së Bardhë, Jen Psaki, tha të enjten numri i trupave ruse në kufirin me Ukrainën ishte tani më i madh “se në çdo periudhë që nga viti 2014”.



Nga konflikti në lindje të Ukrainës janë vrarë më shumë se 13.000 mijë persona.

Krimea njihet ende si pjesë e Ukrainës nga Kombet e Bashkuara dhe Kievi zotohet se një ditë do ta kthejë përsëri./REL/

1


Etiketa: , , , ,

CLOSE
CLOSE
Pas