Tensionet në rritje mes Ukrainës dhe Rusisë, ka shkaktuar frikë te përfaqësitë diplomatiketë shtetve të tjera. Ka qenë e para SHBA, e cila ka urdhëruar familjarët e stafit të ambasadës së saj në Ukrainë të largohen nga ky vend pas tensioneve në rritje në këtë rajon.
Departamenti i Shtetit ka dhënë gjithashtu leje për largimin e stafit jothelbësor dhe u bëri thirrje qytetarëve amerikanë në Ukrainë që të konsiderojnë largimin nga ky shtet.
Në një deklaratë, Departamenti i Shtetit tha se ka raporte se Rusia po planifikon një veprim ushtarak kundër Ukrainës.
Departamenti i Shtetit paralajmëroi gjithashtu amerikanët që të mos udhëtojnë në Ukrainë dhe Rusi për shkak të tensionit të vazhdueshëm dhe “mundësisë për shqetësim të qytetarëve amerikanë”.
Një zyrtar i Departamentit të Shtetit i tha agjencisë së lajmeve AFP, se ambasada mbetet e hapur, por përsëriti paralajmërimet e Shtëpisë së Bardhë se një pushtim mund të vijë në “çdo kohë”.
Po ashtu, edhe Britania e Madhe ka nisur të tërheqë stafin nga ambasada e saj në Ukrainë.
Sipas BBC, zyrtarët thanë se nuk ka ndonjë kërcënim specifik për diplomatët britanikë, por më shumë se gjysma e stafit do largohet nga Kievi.
Kurse stafi i ambasadës së BE nuk do të largohet.
Rusia ka mohuar se ka një plan për pushtimin e Ukrainës, por dhjetëra mijëra trupa janë vendosur në kufirin me Ukrainën.