Editorial

Shembulli i një vendi kaotik në duar gangsterësh






               Publikuar në : 08:45 - 15/05/19 |
Nga Peter Tiede

Nga Peter Tiede, BILD


Flakë, bomba tymuese, trazira në rrugë, demonstrata masive çdo javë: Shteti ballkanik, Shqipëria, zhytet në kaos. Gjatë ditëve të fundit, gjatë protestave kundër qeverisë në kryeqytetin, Tiranë, pati përleshje në rrugë. Demonstruesit e opozitës hodhën koktejle molotov, shashka dhe bojë drejt ndërtesës së zyrës së kryeministrit Edi Rama. Policia përdori gaz lotsjellës dhe topat e ujit kundër njerëzve. Një duzinë policësh dhe demonstruesish u plagosën.

Çfarë po ndodh në shtetin ballkanik?

Tashmë po bëhet e qartë në pjesën tjetër të kontinentit se diçka është seriozisht gabim në vendin që ishte tërësisht i izoluar nën komunizmin e epokës së gurit të Enver Hoxhës, nga viti 1944 deri në vitin 1985. Në vitin 2017, BE vendosi që të nisë negociatat e pranimit me Shqipërinë këtë vit. Për ironi, me Shqipërinë! Ironikisht, me një shtet mafioz! Shqipëria është shembulli kryesor i një vendi kaotik në duar gangsterësh: Për më pak se një vit, opozita është tërhequr nga parlamenti- në protestë kundër korrupsionit dhe blerjes së votave nga qeveria. Prej dy vitesh, vendi nuk ka një Gjykatë Kushtetuese- Kushtetuta e vjetër është shfuqizuar, e reja nuk është akoma në zbatim. Kryeministri Rama u desh të shkarkojë gjatë viteve të shkuara dy ministra të Brendshëm: Fatmir Xhafaj dyshohej fort si pjesë e mafies së drogës, që ka në dorë vendin dhe gjysmën e Europës Perëndimore! Saimir Tahiri është aktualisht nën akuzë- vetëm politika mund të parandalojë një shqyrtim gjyqësor.

Kryeministri dhe thashethemet e drogës

Po Rama vetë? Kryeministri akuzohet vazhdimisht për lidhje me drogën. Kështu, opozita e akuzon atë për blerjen e votave me paratë e drogës. Regjistrimi i një telefonate duhet ta provojë këtë. Më 11 shtator të vitit 2016, Rama i telefonoi kreut të një komisioni zgjedhor rajonal për të pyetur nëse zgjedhjet kishin shkuar ashtu siç ishte diskutuar. Përgjigjja e drejtuesit të zgjedhjeve: Po, shef, gjithçka siç e kemi diskutuar. Rasti është i njohur në Shqipëri si ‘Dosja 184’.

“Qeveria mbron mafien”

Akuzat për blerjen e votave i ngre edhe ish-ministri i Drejtësisë i Ramës, Ylli Manjani. Manjani, një profesor i respektuar i ligjit, thotë për BILD: “Organizata të ndryshme ndërkombëtare kanë konfirmuar se ka patur blerje të votave në masë”. Manjani sheh pas kësaj një projekt të përbashkët të Ramës dhe mafies: “Qeveria mbron mafien dhe lejon biznesin e tyre të drogës. Në këmbim, bandat dhe klanet blejnë vota për qeverinë”. Manjani vetë dikur kishte kërkuar luftë kundër drogës- madje edhe nuk e përjashtonte edhe përdorimin e ushtrisë në vendin anëtar të NATO-s. Ai u lirua për këtë në janar të vitit 2017. Gazetari investigativ, Basir Çollaku, thotë: “Nën Edi Ramën ka patur një shpërthim eksploziv të prodhimit të drogës në Shqipëri”. Sipas vlerësimeve të inteligjencës perëndimore, më shumë se 70 për qind e kanabisit të shitur në Europën Perëndimore dhe Jugperëndimore, vjen nga Shqipëria.

Udhëheqja e policisë konsiderohet e korruptuar

Vetë policia shqiptare konsiderohet shumë e korruptuar, veçanërisht udhëheqja e policisë. Pjesë të drejtuesve janë nën dyshime mafioze- sipas të dhënave që vijnë nga jashtë. Policët shqiptarë, që hetojnë vërtet kundër politikës dhe policisë, burgosen ose vendosen nën arrest shtëpiak. Në Zvicër, Itali, Holandë dhe Finlandë, disa oficerë të lartë të policisë kanë marrë azil politik. Një prej tyre është Dritan Zagani, ish-kreu i policisë kufitare të rajonit të Vlorës dhe hetues i antidrogës. Zagani u mbajt në izolim për një vit e gjysmë dhe më pas në arrest shtëpiak, pasi u tha eprorëve të tij për prova konkrete të trafikut të drogës të ministrit të atëhershëm të Brendshëm, Saimir Tahiri. Më në fund ai ishte në gjendje të largohej nga Shqipëria me familjen falë agjentëve dhe policëve italianë. Konkluzioni i tij në Bild: “Vendi im është një shtet mafioz. Atje sundon mafia”. Por, thotë ish-ministri i Drejtësisë, Manjani për Bild, në Europën politike vështirë se interesohet kush. Së fundmi, kancelarja Angela Merkel i priti krerët e shteteve të Ballkanit në Berlin, për samitin e Ballkanit Perëndimor- mes tyre, kryeministrin Edi Rama.


Etiketa: , , ,

KOMENTO (2)

Shkruaj nje koment

Your email address will not be published. Required fields are marked *

* *

  1. Ndigjoni o milet ky gazetarusi.se gazetar une nuk i them.Beka thirje ne tym se ne Shqiperi ka rene zia se KM paska hequt kundra bandistin Ylli Manjani nga detyra e tij si MD.
    Ky gazetaruci paska shkruar nje artikull pa asnje baze pa bere asnje ballafaqim me asnjeri tjeter e plot brockulla te tjera.Nuk po merrem me te tjera.ne raste se ky do ta lexoje.2 ish MB nuk jane shkarkuat por kane dhene dorheqie per ti hapur rruge drejtesise.gje qe nuk eshte bere perpara.Per reformen ne drejtesi qe te gjithe gazetaret e perendimit e vlersojne ti nuk e ditke fare.Kjo tregon se sa gazete prestigjize qe je.

    Përgjigju ↓
  2. Nuk kuptoj pse per Persiden sapo e kam lancuar si sorosjane besnike e sektit dhe perkthimin e saj te jetes se udheheqesve homoseksuale ne bote shoh se kete liber e kane hequr si reklamim ne internet.
    Valle cfare eshte amazon apo portali i librave online shqip? Kush e ka hequr,kush e mbron,pse u zgjodh per biblioteken,pse u dogj u djeg ? Tanime tan shqiptaret e kane te qarte kush asht Sorosi
    dhe sa e demtoi ky sekt Shqiperine dhe Kosoven.

    Përgjigju ↓
CLOSE
CLOSE
Pas