Kronika

Sherri i djeshëm për pallatin, Policia arreston dy biznesmenët








Bëni LIKE faqen zyrtare në Facebook
               Publikuar në : 09:40 - 14/01/21 |
mapo.al

Policia e Tiranës ka arrestuar dy biznesmenët e përfshirë në konfliktin e djeshëm pranë ish-Parkut të Autobusëve, Albert Allmuça, 53 vjeç dhe Sino Llanaj, 46 vjeç.



Nga sherri mbeti i plagosur në këmbë Llanaj, i cili për ngjarjen fajësoi ish-ortakun e tij, Allmuça. Dy biznesmenët janë arrestuar me akuzën e “moskallëzimit të krimit” dhe “goditje për shkak të detyrës”.


Gjithashtu, kanë rënë në pranga edhe tre persona të tjerë. I plagosur mbeti edhe një kalimtar i rastit, por fatmirësisht jashtë rrezikut për jetën.




Si ndodhi ngjarja
Në përfundim të veprimeve të para hetimore ka rezultuar se shtetasi Sino Llanaj, së bashku me persona të tjerë, ka shkuar në kompleksin në rrugën “Ndre Mjeda”, ku janë konfliktuar fizikisht me rojet e sigurisë duke përdorur sende të forta dhe armë zjarri.



Ata janë përleshur edhe me biznesmenin tjetër, Albert Allmuça, ish-ortak me Llanajn.


Policia ka bërë të mundur identifikimin e njërit prej shtetasve (për arsye hetimore nuk bëhen të ditura gjeneralitetet e tij), i cili ka qëlluar me armë zjarri drejt Sino Llanajt, ndërsa plumbat prekën edhe një kalimtar të rastit. Po punohet për kapjen e tij.

Mësohet se shkak për konfliktin e hershëm mes dy biznesmenëve është bërë shitja e apartamenteve nga tre herë te pallati në ndërtim pranë ish-Parkut të Autobusëve. Ata u konfliktuan edhe një javë më parë në zonën e “Astirit”, ku biznesmeni Sino Llanaj u dhunua nga njerëzit e Albert Allmuçës.

Njoftimi i Policisë

Tiranë

Zbardhet dhe dokumentohet ngjarja e ndodhur ditën e djeshme në rrugën “Ndre Mjeda”.

Vihen në pranga 5 shtetas, procedohet në gjendje të lirë 1 shtetas tjetër.

Sekuestrohen në cilësinë e provës materiale një sasi municioni, një armë e ftohtë dhe 5 aparate celular.

Specialistët për Hetimin e Krimit në Komisariatin e Policisë Nr. 2 Tiranë, në bashkëpunim me specialistët për Hetimin e Krimeve në DVP Tiranë, nën drejtimin e Prokurorisë së Rrethit Gjyqësor Tiranë, falë veprimeve të shpejta profesionale dhe hetimore bënë të mundur zbardhjen e ngjarjes së ndodhur në rrugën “Ndre Mjeda”, ku u plagosën me armë zjarri 2 shtetas dhe u dëmtua me sende të forta një shtetas tjetër.

Në vijim të veprimeve u bë arrestimi në flagrancë i shtetasve:

A. A., 53 vjeç, për veprën penale “Moskallëzim i krimit”;

S. Ll., 46 vjeç, për veprat penale “Goditja për shkak të detyrës” dhe “Moskallëzimi i krimit”;

Sh. B., 41 vjeç, për veprat penale “Mbajtja pa leje e armëve të ftohta” dhe “Moskallëzimi i krimit”;

S. M., 52 vjeç, dhe A. L., 48 vjeç, për veprën penale “Moskallëzim i krimit”;

Si dhe u procedua në gjendje të lirë shtetasi K. K., për veprën penale “Veprime që pengojnë zbulimin e të vërtetës”.

Në përfundim të veprimeve të para hetimore ka rezultuar se shtetasi S. Ll., së bashku me persona të tjerë, ka shkuar në kompleksin në rrugën “Ndre Mjeda”, ku janë konfliktuar fizikisht me rojet e sigurisë duke përdorur sende të forta dhe armë zjarri.

Policia ka bërë të mundur identifikimin e njërit prej shtetasve (për arsye hetimore nuk bëhen të ditura gjeneralitetet e tij), i cili ka qëlluar me armë zjarri. Po punohet për kapjen e tij.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

1


Etiketa: ,

CLOSE
CLOSE
Pas