Zbardhen detaje të reja nga ngjarja e rëndë në zonën e “Myslym Shyrit” në Tiranë, ku mbeti i plagosur një i ri. Mësohet se plagosja e 23-vjeçarit Renato Shaulli, ka ndodhur pas një sherri për rrogën e këtij të fundit.
Pasi qeveria vendosi që të mbyllë bizneset, mes tyre edhe “Fast Food”-et, (përveç shërbimit taxi), shumë punonjës mbetën të izoluar në shtëpi. Ndërkohë, Shaulli, duke qenë se punonte në këtë biznes, ishte paraqitur aty për të marrë rrogën, por pronari nuk ia kishte dhënë.
Në debate e sipër ai ka kërkuar me ngulm që të ishte mes përfituesve të pagës së luftës, pasi theksonte se i takonte. Pasi janë konfliktuar verbalisht dhe më pas me grushte me njëri-tjetrin, pronari i biznesit, bashkë me një person tjetër, kanë goditur me thikë të riun, duke e plagosur.
Ky i fundit mori plagë në brinjë, ndërsa ndodhet jashtë rrezikut për jetën. Në lidhje me ngjarjen e rëndë u arrestuan dy të rinj, Reis Osmërija, 21-vjeç dhe Alban Gaçi,-27 vjeç.
LEXO EDHE:
Tiranë/ Sherr në “Fast Food”, dy persona masakrojnë me thikë 23-vjeçarin (EMRAT)
