Një natë spektakolare, por edhe plot tension ajo që Kylian Mbappé përjetoi në “Camp Nou”. Përveç tre golave në portën e Barcelonës, ylli i Paris Saint Germain u përfshi në një debat të ashpër me mbrojtësin Jordi Alba. Sulmuesi iu përgjigj provokimeve, madje në stilin e një gangsteri, duke i thënë lojtarit blaugrana se “do ta vriste”.
Mbappé ishte njeriu i ndeshjes, duke bërë që mungesat e dy emrave si Neymar dhe Angel Di Maria të mos ndiheshin. 22-vjeçari shkatërroi i vetëm Barcelonën, me PSG që praktikisht e sheh veten në çerekfinalet e Champions League.
Sulmuesi riktheu barazpeshën në pjesën e parë, pas avantazhit të Lionel Messit, ndërsa pas pushimit ndërmjet pjesëve realizoi edhe dy gola të tjerë, me ndeshjen që përfundoi me triumfin 1-4 të parizienëve. Mbrëmja perfekte e Mbappé u prish disi nga çastet e tensionit dhe fjalët e ashpra të shkëmbyera me Jordi Alban gjatë pjesës së dytë.
Debati i Mbappé me Jordi Alban
Jordi Alba i drejtohet Mbappé: Po sillesh si më i madh nga sa je.
Mbappé i drejtohet Jordi Alba: Në rrugë do të vrisja.
Alba i drejtohet Piqué: Po mëson, qurrashi po mëson.
Piqué i drejtohet Mbappé: Kë do vrasësh ti?
Mbappé: Në rrugë do të vrisja!
Etiketa: Barca, Champions League, Mbappe, PSG
