Arrestimet me shumë bujë të bërë disa muaj më parë, duket se do të përfundojnë me dalje nga qelia të të pandehurve për dosjen e uniformave të policisë.
Prokuroria Speciale SPAK në pretencën dhënë sot për personat e përfshirë në tenderin e uniformave në Ministrinë e Brendshme, ka kërkuar dënime të ulëta.
Prokuroria speciale, ka kërkuar 1 vit e 6 muaj me gjykim të shkurtuar për të pandehurit e arrestuar.
Zyrtarët e arrestuar nga SPAK:
Edlira Naqellari
Flutura Cerkezi
Ani Omuri
Klevis Hasani
Kreshnik Bejkaj
Fatmir Demneri
Mariglen Buzali
Gezim Mingaj
Anisa Bogdani
Për Aurora Mullajn SPAK ka kërkuar konvertim te dënimit në shërbim prove.
Kujtojmë se SPAK bëri publik përfundimin e hetimeve në muajin korrik.
Bëhet fjalë për një tenderin e uniformave që kap vlerën e rreth 28 milionë eurove.
Tenderi është dhënë në kohën kur Ministria e Brendshme drejtohej nga Sandër Lleshaj, ndërsa është kallëzuar në vitin 2020.
